Mae Coedwig Genedlaethol i Gymru yn gynllun gweledigaethol ar gyfer rhwydwaith o goetiroedd ledled y wlad, gan ddod â manteision amgylcheddol ac iechyd yn ogystal â chynyddu gorchudd coed. Gan ddechrau gydag ardaloedd o goetir hynafol presennol yng Nghymru, bydd yn annog cymunedau, ffermwyr a thirfeddianwyr i greu ardaloedd coedwig newydd. Gall unrhyw un sydd â choetir addas ymuno.

 

Mae chwe nod y mae'r Goedwig yn anelu at eu cyflawni, er na fydd pob coetir yn eu cefnogi i gyd:

 

• Coetiroedd gwydn o ansawdd da, sydd wedi’u dylunio a’u rheoli’n dda

• Coetiroedd sy’n hygyrch i bobl

• Cyfranogiad cymunedau mewn coetiroedd

• Coetiroedd cysylltiedig

• Coetiroedd a choed deinamig, aml-ddiwylliannol

• Coetiroedd sy’n dangos dysg, ymchwil ac arloesi

 

Yn 2025-27 bydd Partneriaeth Natur Lleol Ceredigion yn arwain prosiect o dan Cynllun Tirwedd Llywodraeth Cymru i ddatblygu adran Biosffer Dyfi o'r Coedwig Cenedlaethol. Mwy am hyn.

​

Bydd y Biosffer yn cynnal grwp thematig i archwilio sut i fanteisio ar y cyfle i ddatblygu coedtiroedd yn yr ardal, gan gynnwys y chwech amcan uchod. Hoffem wahodd perchnogion coetiroedd preifat a sefydliadau eraill sydd â diddordeb i ymuno â'r drafodaeth. Cysylltwch â'r Biosffer os oes gennych ddiddordeb.

 

Llun: Coed Cadw