Iechyd awyr agored
Mae gweithgareddau awyr agored mewn natur yn dda i'n hiechyd. Mae astudiaethau wedi dangos y gall natur ostwng hormonau straen fel cortisol, gyda dwy awr yr wythnos mewn natur yn rhoi hwb sylweddol i iechyd a lles. Mae hyn yn arbennig o wir am bobl sy'n sâl neu wedi'u hynysu'n gymdeithasol ac a allai gael gweithgareddau fel cerdded neu grefftau coetir wedi'u rhagnodi gan eu meddygfeydd teulu.
Mae'r Biosffer yn cefnogi'r gweithgareddau hyn fel rhan o'i gylch gwaith ehangach i greu llefydd lle gall pobl gysylltu â'r byd naturiol a dysgu gofalu amdano'n well. Mae wedi gweithio gyda'r partner lleol Coed Lleol i gynnal cyfres o brosiectau i ddatblygu gwasanaeth iechyd awyr agored i bobl Dyffryn Dyfi, gan gydweithio â chynrychiolwyr o Ysbyty Cymunedol Bro Ddyfi a chanolfannau gofal iechyd lleol eraill, y fforwm cleifion lleol, cyngor y dref, Bwrdd Iechyd Addysgu Powys, MIND, Camad a llawer o rai eraill. Gwyliwch y fideo isod i ddysgu mwy.
Y prosiect cyfredol yw ‘Awyr Iach’, a ariennir gan Gronfa Gymunedol y Loteri Genedlaethol o fis Gorffennaf 2025 i fis Mawrth 2028. Bydd gwasanaeth Awyr Iach yn cynnig gweithgareddau dan arweiniad proffesiynol am ddim am flwyddyn i bob oed, gan gynnwys sgiliau coetir, coginio a chwilota am fwyd, cerdded, ymwybyddiaeth ofalgar a chrefftau yn yr ysbyty ac ar draws y Biosffer.
Mae gwaith iechyd awyr agored blaenorol wedi cynnwys Mentro Allan yn 2015-2020 yn cefnogi unigedd gwledig gyda gweithgareddau i gynyddu symudedd; ‘Trywydd Iach’, datblygu rhwydwaith iechyd awyr agored ar draws y Biosffer gyda gweithgareddau i wella iechyd a lles 2020-23; ac astudiaeth ddichonoldeb yn 2024 i edrych ar y potensial ar gyfer gwasanaeth iechyd awyr agored integredig sydd ar gael yn benodol o Ysbyty newydd Bro Ddyfi.
Gwyliwch yr astudiaeth achos Trywydd Iach isod i weld sut mae'r gwaith iechyd awyr agored diweddar wedi bod o fudd i bobl.
Mae Awyr Iach yn dechrau fis Gorffennaf. Cadwch lygad am fanylion.