Oen Biosffer wedi'i weini mewn digwyddiad UNESCO yn Llundain

Bwyd Biosffer Dyfi yn cael sylw rhyngwladol. Read in English

Mae'r cogydd Mauro Colagreco yn Llysgennad Ewyllys Da UNESCO. Mae'n eiriol dros gynhwysion lleol, cynaliadwy a thechnegau coginio traddodiadol, yn ogystal â chamau gweithredu UNESCO dros fioamrywiaeth, yn enwedig ei raglen 'Man and Biosphere' y mae ein Biosffer yn rhan ohoni. Cynrychiolodd UNESCO yng Nghynhadledd Bioamrywiaeth COP16 yn Ngholombia a dywedodd: "Ar adeg pan fo dros filiwn o rywogaethau anifeiliaid a phlanhigion mewn perygl o ddiflannu, gall dewisiadau bwyd cynaliadwy wneud gwahaniaeth gwirioneddol i'r blaned."

Ym mis Mawrth trefnodd bryd saith cwrs yn cynnwys cynhwysion o bob un o saith Biosffer y DU, a weinwyd yn Raffles yn Llundain.

Roeddem wrth ein bodd bod cydweithfa gynhyrchwyr Machynlleth, Tymhorau, wedi gallu cyflenwi cig oen morfa heli ar gyfer y pryd.

Dywed Tymhorau:

"Mae ein cynhyrchwyr cig yn gofalu am eu hanifeiliaid gan ddefnyddio arferion sy'n cefnogi'r amgylchedd. Maent yn aml yn dewis bridiau treftadaeth sydd wedi'u bridio ers cenedlaethau i ffynnu yn ein hinsawdd, sy'n golygu bod yr anifeiliaid yn treulio eu bywydau y tu allan yng nghefn gwlad hardd Cymru, yn byw bywyd mwy naturiol, ac angen llai o rawn a mewnbynnau eraill, gan leihau milltiroedd teithio eich bwyd."